2015 jylǵy 23 aqpan, Astana qalasy
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý,
paıdalanýǵa berý jáne paıdalaný qaǵıdalaryn bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy 18-babynyń 9) tarmaqshasyna sáıkes buıyramyn:
1. Qosa berilip otyrǵan Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalanýǵa berý jáne paıdalaný qaǵıdalary bekitilsin.
2. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspeksııa komıteti zańnamada belgilengen tártippen:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) Qazaqstan Respýblıkasynyń Ádilet mınıstrliginde onyń memlekettik tirkelgeninen keıin kúntizbelik on kún ishinde osy buıryqty resmı jarııalaýǵa «Ádilet» aqparattyq quqyqtyq júıesine, sonymen birge merzimdi baspa basylymdaryna joldanýyn;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq onyń alǵash resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasy Energetıka mınıstri V.ShKOLNIK.
«KELISILGEN»
Qazaqstan Respýblıkasy Aýyl sharýashylyǵy mınıstri
_________A. Mamytbekov
2015 jylǵy 18 naýryz
«KELISILGEN»
Qazaqstan Respýblıkasy Qorǵanys mınıstri
_________I.Tasmaǵambetov.
2015 jylǵy 30 naýryz
«KELISILGEN»
Qazaqstan Respýblıkasy Ishki ister mınıstri
_________Q.Qasymov
2015 jylǵy 4 naýryz
«KELISILGEN»
Qazaqstan Respýblıkasy Investısııalar jáne damý mınıstriniń m.a
_________J.Qasymbek
2015 jylǵy 24 aqpan
«KELISILGEN»
Qazaqstan Respýblıkasy Ulttyq ekonomıka mınıstriniń m.a.
_________M.Qusaıynov
2015 jylǵy 26 naýryz
«KELISILGEN»
Qazaqstan Respýblıkasy Ulttyq qaýipsizdik komıtetiniń tóraǵasy
_________N.Ábiqaev
2015 jylǵy 11 naýryz
Qazaqstan Respýblıkasy Energetıka mınıstriniń
2015 jylǵy 23 aqpandaǵy № 131 buıryǵymen bekitilgen
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalanýǵa berý jáne paıdalaný
QAǴIDASY
1. Jalpy erejeler
1. Osy Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalanýǵa berý jáne paıdalaný qaǵıdasy (budan ári – Qaǵıda) Qazaqstan Respýblıkasynyń «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy, «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi, «Saýda maqsatynda teńizde júzý týraly» 2002 jylǵy 17 qańtardaǵy, «Janýarlar dúnıesin qorǵaý, ósimin molaıtý jáne paıdalaný týraly» 2004 jylǵy 9 shildedegi, «Tehnıkalyq retteý týraly» 2004 jylǵy 9 qarashadaǵy, «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy, «Azamattyq qorǵaý týraly» 2014 jylǵy 11 sáýirdegi zańdaryna, Qazaqstan Respýblıkasynyń Ekologııalyq jáne Sý kodeksterine sáıkes ázirlendi.
2. Qaǵıda jasandy araldardy, bógetterdi, qurylystar men qondyrǵylardy, sondaı-aq teńizde júrgiziletin munaı operasııalarymen baılanysty ózge de obektilerdi qurý, paıdalaný jáne qoldaný tártibin aıqyndaıdy.
3. Osy Qaǵıdada paıdalanylatyn negizgi uǵymdar:
1) janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti memlekettik organ - janýarlar dúnıesin qorǵaý, ósimin molaıtý jáne paıdalaný salasyndaǵy basshylyqty, sondaı-aq óz ókilettikteri sheginde salaaralyq úılestirýdi júzege asyratyn ortalyq atqarýshy organ;
2) jasandy araldardy, bógetterdi, qurylystar men qondyrǵylardy, sondaı-aq teńizdegi munaı operasııalarymen baılanysty ózge de obektilerdi qurýǵa, paıdalanýǵa berýge jáne paıdalanýǵa ruqsat - belgili bir ýchaske sheginde ótinish berýshige onyń jasandy araldardy, bógetterdi, qurylystar men qondyrǵylardy, sondaı-aq teńizdegi munaı operasııalarymen baılanysty ózge de obektilerdi qurýǵa, paıdalanýǵa berýge jáne paıdalanýǵa nıetin iske asyrý quqyǵyn beretin quzyretti organnyń ruqsaty;
3) júzbeli jabdyqty (júzbeli burǵylaý qondyrǵysyn) alýǵa tapsyrys berýshi - júzbeli jabdyqty (júzbeli burǵylaý qondyrǵysyn) qurý jónindegi jumystardy oryndaýǵa arnalǵan merdigerlik shartyn jasaǵan jeke, zańdy tulǵa nemese birlestik (konsorsıým), qurylyp jatqan kemeniń ıesi;
4) qorǵanys salasyndaǵy ýákiletti organ-qorǵanys salasyndaǵy memlekettik saıasatty júzege asyratyn ortalyq atqarýshy organ;
5) qorshaǵan ortany qorǵaý salasyndaǵy ýákiletti organ - qorshaǵan ortany qorǵaý jáne tabıǵat paıdalaný salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ, sondaı-aq onyń aýmaqtyq organdary;
6) quzyretti organ - munaı jáne gaz salasyndaǵy ýákiletti organ;
7) memlekettik shekarany qorǵaýdy qamtamasyz etý salasyndaǵy ýákiletti organ - Qazaqstan Respýblıkasynyń «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy zańyna sáıkes Qazaqstan Respýblıkasynyń Memlekettik shekarasyn qorǵaýdy jáne kúzetýdi júzege asyratyn memlekettik organ;
8) merdiger - teńiz qurylystaryn qurý jáne olardy qoldaný prosesi kezinde tehnıkalyq alyp júrý jónindegi jumystardy oryndaýǵa arnalǵan merdigerlik shartyna sáıkes jer qoınaýyn paıdalanýshy tartqan jeke nemese zańdy tulǵa;
9) ónerkásiptik qaýipsizdik salasyndaǵy ýákiletti organ - ónerkásiptik qaýipsizdik salasynda basshylyqty jáne salaaralyq úılestirýdi, memlekettik saıasatty ázirleýdi jáne iske asyrýdy júzege asyratyn ortalyq atqarýshy organ;
10) ótinish berýshi - teńiz qurylystaryn salýǵa nemese ornalastyrýǵa ruqsatyn alý úshin quzyretti organǵa ótinish beretin tulǵa;
11) teńiz qurylystaryn paıdalaný - teńiz qurylystaryn maqsaty boıynsha paıdalaný úshin tehnıkalyq sharalar jıyntyǵy;
12) sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organ - eldi mekender sheginen tys jerlerde sý qoryn paıdalaný jáne qorǵaý, sýmen jabdyqtaý, sý burý salasyndaǵy basqarý men baqylaý fýnksııalaryn júzege asyratyn memlekettik organ;
13) teńiz qurylystary - jasandy araldardy, bógetterdi, qondyrǵylardy, teńizde munaı operasııalaryn júrgizýge arnalǵan jyljymaıtyn jáne júzbeli jabdyqty qosa alǵanda, teńizde bolatyn qoldan jasalǵan qurylystar;
14) teńiz qurylystaryn salý (qurý) - teńiz qurylystarynyń jańalaryn jobalaý (turǵyzý) jáne (nemese) qoldanystaǵylaryn ózgertý (konstrýksııalardy keńeıtý jáne qurastyrmalaryn ózgertý) jónindegi qyzmet.
Qaǵıdada qoldanylatyn ózge uǵymdar «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy zańyndapaıdalanylatyn uǵymdarǵa sáıkes keledi.
2. Jasandy araldardy, bógetterdi, qurylystar men qondyrǵylardy, sondaı-aq munaı
operasııalarymen baılanysty ózge de obektilerdi qurý, paıdalanýǵa berý jáne paıdalaný tártibi
Paragraf 1. Teńiz qurylystaryn qurý, paıdalaný jáne qoldaný úshin ruqsattardy alý
4. О́tinish berýshi osy Qaǵıdaǵa 1-qosymshaǵa sáıkes nysan boıynsha beriletin jasandy araldardy, bógetterdi, qurylystar men qondyrǵylardy, sondaı-aq teńizdegi munaı operasııalarymen baılanysty ózge de obektilerdi qurýǵa, paıdalanýǵa berýge jáne paıdalanýǵa ruqsat (budan ári - ruqsat) alý úshin quzyretti organǵa:
1) osy Qaǵıdaǵa 2-qosymshaǵa sáıkes nysan boıynsha jer qoınaýyn paıdalanýshynyń nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshiniń qoly qoıylǵan ruqsat alýǵa ótinishti (budan ári - ótinish);
2) osy Qaǵıdaǵa 3-qosymshaǵa sáıkes málimetter nysanyn joldaıdy.
5. О́tinish berýshi osy Qaǵıdanyń 4-tarmaǵynda kózdelgen málimetterdi tolyq bermegen jaǵdaıda, quzyretti organ úsh jumys kúni ishinde ótinishti qaramastan keri qaıtarady. Jetispegen málimetter qosa berilgen ótinishti qaraý merzimi quzyretti organ ótinish berýshiniń qaıtadan berilgen ótinishin alǵan sátten bastap esepteledi.
6. Quzyretti organ málimet nysany qosa berilgen ótinishti alǵannan keıin tórt jumys kúni ishinde olardy qorǵanys, memlekettik shekarany qorǵaýdy qamtamasyz etý, sý qoryn paıdalaný jáne qorǵaý, sýmen jabdyqtaý, sý burý jáne janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organdarǵa jiberedi, olar jeti jumys kúni ishinde teńiz qurylysyn kórsetilgen geografııalyq koordınatalary aýdanynda salýdyń nemese ornalastyrýdyń múmkindigin nemese múmkin emestigin kelisedi.
7. Quzyretti organ osy Qaǵıdanyń 6-tarmaǵynda kózdelgen ýákiletti organdardyń jaýaptaryn alǵannan keıin tórt jumys kúni ishinde ótinishti qarap, ruqsat beredi nemese ony berýden bas tartady.
8. Quzyretti organ osy Qaǵıdanyń 6-tarmaǵynda kózdelgen ýákiletti organdardyń bireýiniń teris jaýaby bolsa, sondaı-aq paıdalanýshy nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi dáıeksiz málimetterdi qamtıtyn qujattardy usynǵan jaǵdaıda ruqsat berýden bas tartady.
Eskertýlerdi (bolǵan jaǵdaıda) alyp tastaǵannan keıin ruqsatty alý osy Qaǵıdanyń 5, 6, 7-tarmaqtaryna sáıkes júzege asyrylady.
9. Jer qoınaýyn paıdalanýshy (merdiger) nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi qaıta uıymdastyrylǵan jáne (nemese) ataýy ózgergen jaǵdaıda memlekettik tirkeý (qaıta tirkeý) týraly anyqtamany alǵan sátten bastap bir aı merzim ishinde kórsetilgen málimetterdi rastaıtyn tıisti qujattardyń kóshirmesimesin qosa ruqsatty qaıta resimdeý týraly erkin túrde ótinish beredi.
Quzyretti organ jer qoınaýyn paıdalanýshy (merdiger) nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi tıisti ótinishin joldaǵan kúnnen bastap on jumys kúni ishinde osy Qaǵıdanyń 6-tarmaǵynda qarastyrylǵan sharany saqtamaı-aq ruqsatty qaıta resimdeıdi.
Paragraf 2. Teńizdegi munaı operasııalarymen baılanysty teńiz qurylystaryn jobalaý
10. Teńiz qurylystaryn jobalaý kezinde osy Qaǵıdanyń 1-tarmaǵynda kórsetilgen Qazaqstan Respýblıkasynyń zańnamalary saqtalady.
11. Teńiz qurylystaryn jobalaý jer qoınaýyn paıdalanýshylardyń (merdigerlerdiń) bastamasy boıynsha jáne qarjysy esebinen jer qoınaýyn paıdalanýǵa arnalǵan kelisimsharttyń sheńberinde júzege asyrylady.
Belgisiz tulǵalar sheńberi, sonymen birge jer qoınaýyn paıdalanýshylar qoldaný úshin arnalǵan teńiz qurylystaryn - júzbeli jabdyqty (júzbeli burǵylaý qondyrǵysyn) jobalaý jer qoınaýyn paıdalanýǵa arnalǵan kelisimshartsyz, azamattyq-quqyqtyq kelisim negizinde júzege asyrylady.
12. Salýǵa nemese ornalastyrýǵa jatatyn teńiz qurylysyn ornalastyrý ornyn tańdaý teńiz qurylysyn qaýipsiz salýdy jáne paıdalanýdy qamtamasyz etý maqsatynda teńiz túbi ýchaskesine tolyq geotehnıkalyq zerdeleý júrgizilgennen keıin júzege asyrylady.
13. Teńiz qurylysyn salýǵa arnalǵan ýchaskeni zerdeleý kezinde jer qoınaýyn paıdalanýshy (merdiger) mynalardy júzege asyrady:
1) qubyrjoldardyń, kábildiń jáne basqa da obektilerdiń bar-joǵyn zertteý;
2) josparlanyp otyrǵan qaýipsizdik dárejesine sáıkes teńiz qurylysyn jobalaý úshin qajetti teńiz túbiniń jaǵdaıy týraly ınjenerlik-geologııalyq derekter;
3) teńiz qurylysyn ornalastyrý ornyn tańdaýdy qamtamasyz etý belgilengen, ásirese keme jaıǵa kireberisterdegi belgilengen navıgasııalyq joldardan, sondaı-aq dástúrli balyq aýlaý oryndarynan, ósimin molaıtý, jaıyp semirtý jáne balyqtardyń óris aýdarýy úshin asa baǵaly ýchaskelerinen jáne balyq sharýashylyǵy úshin asa baǵaly mańyzy bar basqa sý janýarlarynan tys jerde júrgizý.
14. Jumys jobalary sáýlet, qala qurylysy jáne qurylys qyzmeti salasyndaǵy Qazaqstan Respýblıkasynyń zańnamasyndabelgilengen tártippen kelisiledi, bekitiledi jáne memlekettik saraptamadan ótedi.
15. Teńiz qurylystaryn salýdy nemese qaıta jańartýdy jobalaý aldynda Qazaqstan Respýblıkasyndaǵy sáýlet, qala qurylysy jáne qurylys qyzmeti zańnamasyna sáıkes ınjenerlik (ınjenerlik-gıdrografııalyq, geodezııalyq, geologııalyq, gıdrometeorologııalyq) izdenister júrgiziledi.
16. Injenerlik izdenister nátıjeleri jumys jobalarynda qabyldanatyn sheshimderdi negizdeý úshin jáne jumystardy jobalaýdy, qaýipsiz jáne sapaly júrgizýdi uıymdastyrý úshin qoldanylady.
17. Jobalaý qujattamasynyń quramyna mynalar kiredi:
1) qorshaǵan tabıǵı ortanyń jaı-kúıin jobalaý aldyndaǵy (bazalyq) baǵalaý;
2) teńiz qurylysyn salýǵa josparlanǵan qorshaǵan tabıǵı ortaǵa áserin baǵalaý Qazaqstan Respýblıkasynyń zańnamasynda kózdelgen qala qurylysy jáne qurylysty jobalaý satylaryn eskere otyryp, dáıekti túrde júzege asyrylady;
3) yqtımal daǵdarysty (avarııalyq) jaǵdaılardy taldaý, olardyń aldyn alý jáne jumys isteıtin personal men teńizde munaı operasııalaryn júrgizýge baılanysty teńiz qurylystaryndaǵy avarııalyq (yqtımal daǵdarysty) áser etý aımaǵynda turatyn turǵyndardy qorǵaý jónindegi is-sharalar;
4) keleńsiz saldardyń aldyn alý jónindegi sharalardy (tabıǵı ekologııalyq júıeler men bıoresýrstardy qosa alǵandaǵy tabıǵat resýrstarynyń joıylýy, tozý, zaqymdanýy jáne taýsylýy) qosa alǵanda, tabıǵatty qorǵaý sharalarynyń kesheni boıynsha usynystary, uńǵymany baqylaýǵa alýy, sý qoımalarynyń bıoresýrstaryna jasalǵan zardaptarynyń ornyn toltyrýy;
5) ónerkásip qaýipsizdigi, órt qaýipsizdigin qamtamasyz etý, óndiristik sanıtarııa jáne jumys isteýshi personaldyń eńbegin qorǵaý, sondaı-aq teńizdegi avarııalar men olardyń saldaryn joıýǵa mamandandyrylǵan ózge de uıymdardy tartý máseleleri;
6) qaǵıdanyń 13-tarmaǵyna sáıkes teńiz qurylysyn salýǵa arnalǵan ýchaskeni zertteý nátıjeleri.
18. Jer qoınaýyn paıdalanýshy (merdiger) nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi teńiz qurylysyn salýdy (montajdaýdy) jáne paıdalanýdy júzege asyrǵanǵa deıin halyqty habardar etýdi jáne qoǵamdyq pikirdi esepke alýdy Qazaqstan Respýblıkasy ekologııalyq zańnamasynyń talaptaryna sáıkes qamtamasyz etedi.
Paragraf 3. Teńiz qurylystaryn salý (montajdaý)
19. Teńiz qurylystaryn salý (montajdaý) osy Qaǵıdanyń 1-tarmaǵynda kórsetilgen Qazaqstan Respýblıkasynyń zańnamasy talaptaryna sáıkes júzege asyrylady.
20. Teńiz qurylystaryn salýdy (montajdaýdy) aıaqtaǵan soń jer qoınaýyn paıdalanýshy (merdiger), júzbeli jabdyqty (júzbeli burǵylaý qondyrǵysyn) alýǵa tapsyrys berýshi, júzbeli jabdyqtyń ıesi (júzbeli burǵylaý qondyrǵysynyń kemeustaýshysy) olardy Qazaqstan Respýblıkasyndaǵy sáýlet, qala qurylysy jáne qurylys qyzmeti zańnamasyna sáıkes quzyretti organ quratyn teńiz qurylystaryn paıdalanýǵa qabyldaý jónindegi memlekettik qabyldaý komıssııasyna usynýdy qamtamasyz etedi.
Kelesi júzbeli burǵylaý qondyrǵylaryn montajdaý boıynsha jumystar ónerkásiptik qaýipsizdik salasyndaǵy ýákiletti organnyń aýmaqtyq bólimshesi ókiliniń qatysýymen, jer qoınaýyn paıdalanýshy qurǵan komıssııamen júzege asyrylady.
21. Teńizde munaı operasııalaryn júrgizý, sonymen birge júzbeli burǵylaý qondyrǵylary úshin júzbeli jabdyqty memlekettik qabyldaý komıssııasyna usyný:
1) júzbeli jabdyqty (júzbeli burǵylaý qondyrǵysyn) alýǵa tapsyrys berýshi teńizge shyǵardyń aldynda, Qazaqstan Respýblıkasynyń terrıtorııasynda ornalasqan alǵashqy paıdalanýǵa berilgen kezde verfterdegi qurylysty bitirgen soń bir ret;
2) júzbeli jabdyqtyń ıesi (júzbeli burǵylaý qondyrǵysynyń kemeustaýshysy) nemese oǵan ýákiletti tulǵa basqa memleketter aımaǵynda qurylǵan jáne shetel memleketteriniń keme tizilimderinde tirkelgen teńizdegi belgilengen ýchaske (kelisimshart aımaǵy) sheginde montajdy bitirgen soń alǵashqy paıdalanýǵa berilgen kezde qamtamasyz etiledi.
Bul rette, Kaspıı teńiziniń qazaqstandyq sektory sheginde júzbeli jabdyqtyń (júzbeli burǵylaý qondyrǵysynyń), sonymen birge memlekettik qabyldaý sharasynan ótkizilgen júzbeli burǵylaý jabdyqtyń (júzbeli burǵylaý qondyrǵysynyń) kelesi paıdalaný kezinde, ornalasqan jerin aýystyrý (basqa jerge aparý) jaǵdaıynda, osy tarmaqqa sáıkes Kaspıı teńiziniń qazaqstandyq sektoryndaǵy árbir ýchaskesinde paıdalanýǵa berilgen kezde osy Qaǵıdanyń 20-tarmaǵynda qarastyrylǵan qaıta ótkizý sharasyn Kaspıı teńiziniń qazaqstandyq sektoryndaǵy sol kúntizbelik jylda keıingi burǵylaý núktelerinde qajet etilmeıdi.
Júzbeli jabdyqty (júzbeli burǵylaý qondyrǵysyn) paıdalanýǵa memlekettik qabyldaý komıssııasynyń alǵashqy qabyldaýdan keıin kelesi montajdaý jáne júrgizý boıynsha jumystary Qazaqstan Respýblıkasynyń ónerkásiptik qaýipsizdik salasyndaǵy zańnamasynyń talaptaryna sáıkes júzege asyrylady.
22. Jer qoınaýyn paıdalanýshy (merdiger) adamdardyń qaýipsizdigine qatar tóndirmeý, kemeniń júzýine nemese balyq aýlaýǵa kedergi keltirmeý úshin teńiz qurylystaryna olardyń teńizdegi ornalasqan jeri týraly eskertý jónindegi tıisti quraldardy qamtamasyz etedi.
23. Teńiz qurylystarynyń aınalasynda qaýipsizdik aımaqtary belgilenip, árbir syrt shegi núktesinen bes júz metrden aspaıtyn qashyqtyqta sozylyp jatady.
24. Teńizde munaı qoımalaryn nemese rezervýarlaryn salýǵa jáne paıdalanýǵa, munaıdy tikeleı teńiz qurylystarynan tankermen tasymaldaǵan kezde munaıdy ýaqytsha (jıyrma kúnnen asyrmaı) saqtaýdy qospaǵanda, teńiz qurylystarynda munaı saqtaýǵa jáne jınaýǵa tyıym salynady.
Paragraf 4. Teńiz qurylystaryn paıdalaný jáne qoldaný
25. Teńiz qurylystaryn paıdalaný memlekettik qabyldaý komıssııasynyń tıisti obektini (obektilerdi) Qazaqstan Respýblıkasynyń sáýlet, qala qurylysy jáne qurylys qyzmeti salasyndaǵy zańnamasyna sáıkes paıdalanýǵa qabyldaý týraly aktisi bolǵan jaǵdaıda júzege asyrylady.
26. Teńiz qurylysy paıdalanýǵa berilgennen keıin ony qoldaný turǵyndardyń densaýlyǵy men qorshaǵan ortaǵa qaýip tóndirmeıtin tehnıkalar men tehnologııalardy paıdalaný arqyly júzege asyrylady.
27. Qazaqstan Respýblıkasynyń sý zańnamasyna sáıkes sý qorǵaý aımaqtary men beldeýlerinde qurylys, túbin tereńdetý, jarý jáne ózge de jumystar jergilikti atqarýshy organdar belgilegen aımaqtar men beldeýlerdi paıdalaný rejımin saqtaı otyryp júzege asyrylady.
28. Teńiz qurylystaryn paıdalanýdy bastaý aldynda jer qoınaýyn paıdalanýshy (merdiger) avarııalyq-qalpyna keltirý jáne jóndeý jumystaryn júrgizýdiń ishki tártibin, sondaı-aq olardy paıdalaný úderisinde teńiz qurylystarynda daǵdarysty (avarııalyq) jaǵdaılar týyndaǵan jaǵdaıda jumys isteıtin personal men teńiz qurylysynyń qoldanylý aımaǵynda turatyn turǵyndardy kóshirý josparyn ázirleıdi jáne bekitedi.
29. Teńiz qurylystaryn paıdalaný úderisinde daǵdarysta (avarııalyq) jaǵdaılar týyndaǵan kezde avarııalyq-qalpyna keltirý jáne jóndeý jumystaryn júrgizý boıynsha ishki tártibi Qazaqstan Respýblıkasynyń azamattyq qorǵaý salasyndaǵy zańnamasynyń talaptaryn saqtaýmen júzege asyrylady.
30. Teńiz qurylystaryn paıdalaný úderisinde daǵdarysty (avarııalyq) jaǵdaılar týyndaǵan jaǵdaıda kóshirý jospary Qazaqstan Respýblıkasynyń azamattyq qorǵaý salasyndaǵy zańnamasynyń talaptaryn saqtaýmen júzege asyrylady.
31. Teńiz qurylystaryn paıdalanýdy bastaý aldynda jer qoınaýyn paıdalanýshy (merdiger) olardy paıdalaný úderisinde memlekettik órtke qarsy qyzmet organdarymen kelisilgen, teńiz qurylystaryn órtten qorǵaýdy qamtamasyz etý tártibin ázirleıdi jáne bekitedi.
Teńiz qurylystaryn órtten qorǵaýdy qamtamasyz etý tártibi olardy paıdalaný úderisinde jyl saıyn qaıta kelisiledi jáne qaıta bekitiledi.
32. Avarııalyq-qalpyna keltirý jumystaryn júrgizýdiń ishki tártibi, sondaı-aq teńiz qurylystaryn paıdalaný úderisinde daǵdarysty (avarııalyq) jaǵdaılar týyndaǵan jaǵdaıdaǵy kóshirý jospary jyl saıyn qaıta kelisiledi jáne qaıta bekitiledi.
33. Teńiz qurylystaryn paıdalanýdy bastaý aldynda jer qoınaýyn paıdalanýshy (merdiger) qorshaǵan tabıǵı ortanyń jaǵdaıyn (ekologııalyq monıtorıng) jáne júrgiziletin munaı operasııalaryn ishki (óndiristik) baqylaýdy júzege asyrýdyń qorshaǵan ortany qorǵaýdyń aýmaqtyq organdarymen kelisilgen tártibin ázirleıdi jáne bekitedi.
Qorshaǵan tabıǵı ortanyń jaǵdaıy men júrgiziletin munaı operasııalaryn ishki (óndiristik) baqylaýdy júzege asyrý tártibi Qazaqstan Respýblıkasynyń Ekologııalyq kodeksine sáıkes jyl saıyn qaıta kelisýge jáne qaıta bekitýge jatady.
34. Jer qoınaýyn paıdalanýshy (merdiger) nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi:
1) kóterý jáne bekitý;
2) túsirý jáne bastapqy qorytý;
3) júzý ústinde qurastyrý;
4) súıretý;
5) iske qosý jáne tik kóterý;
6) sýǵa batyrý;
7) tirekterdi ornatý;
8) montajdaýdan keıin tutas qurylystyń qurylymdyq beriktigi men tutastyǵy sııaqty jumystardy júrgizý kezinde teńizdegi munaı operasııalary úshin paıdalanylatyn qurylystardyń qurylymdyq beriktiginiń álsireýine jol bermeý úshin sharalar qabyldaıdy.
35. Teńiz operasııalaryn júrgizý kezinde paıdalanylatyn barlyq teńiz qurylystarynyń qurylymdyq parametrleri júıeli túrde tekserilýge jáne tehnıkalyq qyzmet kórsetilýge jatady.
36. Bógde kemelerge teńiz qurylysynyń qaýipsizdik aımaqtary shegine kirýge shek qoıylady. Teńizdegi munaı operasııalaryn qoldaıtyn teńiz jáne áýe kemeleri qaýipsizdik úshin únemi bortta bolyp jaýap beretin teńiz qurylysynyń personalyn qaýipsizdik aımaǵyna óziniń kirý jáne buǵan teńiz qurylysynyń basshysynan tıisti ruqsat alý nıeti týraly habardar etedi.
37. Jer qoınaýyn paıdalanýshy (merdiger) dál koordınatalardy kórsete otyryp, teńiz qurylysynyń ornalasý ornyn Qazaqstan Respýblıkasy Qarýly Kúshteriniń Áskerı-teńiz kúshteri Basqolbasshynyń basqarmasy men taıaýdaǵy porttyń basshylyǵyna habarlaıdy.
38. Munaı men gazdy barlaýǵa jáne óndirýge arnalǵan teńiz kemeleri, onyń ishinde júzbeli burǵylaý qondyrǵylary teńizde júzýdiń qaýipsizdik talaptaryna saı kelýi tıis jáne Qazaqstan Respýblıkanyń Úkimeti tanyǵan biliktilik qoǵamdarynyń birinde kýálandyrylýǵa jatady.
39. Jer qoınaýyn paıdalanýshy (merdiger) nemese júzbeli jabdyqty (júzbeli burǵylaý qondyrǵysyn) alýǵa tapsyrys berýshi jumystardy oryndaýǵa arnalǵan jabdyq pen tehnıkalyq quraldardyń, sondaı-aq ekologııalyq qaýipsizdikti jáne qorshaǵan ortany lastanýdan qorǵaýdy qamtamasyz etýshi quraldardyń, olardyń bekitilgen jobalyq sheshimderge sáıkestigin belgileý maqsatynda olardy tekserý úshin Qazaqstan Respýblıkasynyń «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy jáne «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy zańdarynda belgilengen tártipte quzyretti organ men ýákiletti organdardyń laýazymdy tulǵalaryna teńiz qurylystaryna kedergisiz kirýin jáne tekserýdi qajetti túsindirýlermen qamtamasyz etedi.
40. Teńiz qurylystaryn paıdalanýdan shyǵarý (joıý) jer qoınaýy jáne jer qoınaýyn paıdalaný týraly Qazaqstan Respýblıkasynyń zańnamasyna sáıkes júzege asyrylady.
Teńiz qurylystaryn paıdalanýdan shyǵarý (joıý) týraly sheshim quzyretti organmen kelisiledi.
41. Teńiz qurylysyn paıdalanýdan shyǵarý (joıý) týraly sheshimdi quzyretti organmen keliskennen keıin jer qoınaýyn paıdalanýshy (merdiger) teńiz qurylysyn paıdalanýdan shyǵarý (joıý) jónindegi jumysty kózdeıtin taratý jobasyn ázirleıdi jáne bekitedi.
Jer qoınaýyn paıdalanýshy (merdiger) bekitken teńiz qurylysyn paıdalanýdan shyǵarýǵa (joıýǵa) arnalǵan taratý jobasy teńiz qurylysyn paıdalanýdan shyǵarý (joıý) jónindegi jumysty júzege asyrýdy bastaýǵa ruqsat alý úshin negiz bolyp tabylady.
42. Teńiz qurylysyn paıdalanýdan shyǵarý (joıý) jumystaryn aıaqtaý múddeli memlekettik organdar ókilderi, jer qoınaýyn paıdalanýshy (merdiger) jáne avtorlyq qadaǵalaýdy júzege asyratyn jobaly mekeme ókiliniń qatysýymen quzyretti organ qurǵan komıssııamen qaralady.
43. Teńiz qurylysyn paıdalanýdan shyǵarý (joıý) komıssııanyń oń usynymy negizinde júzege asyrylady.
44. Teńiz qurylystaryn paıdalanýdan shyǵarý (joıý) boıynsha jumysy aıaqtalǵannan jáne bul týraly aktige qol qoıǵannan keıin jer qoınaýyn paıdalanýshy (merdiger) táýelsiz sarapshylardyń qatysýymen qorshaǵan tabıǵı ortanyń jaǵdaıyn baǵalaýdy oryndaıdy.
45. Teńiz qurylysyn paıdalanýdan shyǵarǵannan (joıǵannan) keıin qorshaǵan tabıǵı ortanyń jaı-kúıin baǵalaý aktisin qorshaǵan ortany qorǵaý, sý qoryn paıdalaný jáne qorǵaý, sýmen jabdyqtaý, sý burý jáne janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organdary Qazaqstan Respýblıkasy ekologııalyq zańnamasyna sáıkes bekitedi.
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalaný jáne qoldaný qaǵıdasyna 1-qosymsha
Nysan
Jasandy araldardy, bógetterdi, qurylystar men qondyrǵylardy, sondaı-aq munaı
operasııalarymen baılanysty ózge de obektilerdi qurýǵa, paıdalanýǵa jáne qoldanýǵa ruqsat
Nómiri:
Berilgen kúni Berilgen jeri:
_________________________________________________________________________________________berildi
(jeke tulǵanyń T.A.Á., zańdy tulǵanyń ataýy)
_______________________________________________________________________________________________
(teńiz qurylystary, obektileri aýmaǵynyń koordınatalary)
_______________________________________________________________________________________________
(teńiz qurylysynyń, obektiniń ataýy (markasy)
_______________________________________________________________________________________________
(teńiz qurylystaryn, obektilerin salý merzimi)
_______________________________________________________________________________________________
(teńiz qurylystaryn, obektilerin paıdalaný sharttary)
Memlekettik ýákiletti organdardyń kelisýi:
Basshy (ýákiletti tulǵa): tegi, aty, ákesiniń aty (bolǵan jaǵdaıda)
Elektrondyq-sıfrlyq qoltańba
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalaný jáne qoldaný qaǵıdasyna 2-qosymsha
Nysan
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurýǵa, paıdalanýǵa jáne qoldanýǵa ruqsat alýǵa ótinish
(qaıda) ________________________________________________________________________________________
(ýákiletti organnyń tolyq ataýy)
(kimnen) ______________________________________________________________________________________
(jeke tulǵanyń tegi, aty, ákesiniń aty (bolǵan jaǵdaıda), JSN, zańdy tulǵanyń tolyq ataýy, ornalasqan jeriniń mekenjaıy, BSN, baılanys derekteri (telefon, faks, elektrondyq poshta)
______________________________________________________ (teńiz qurylysynyń, obektiniń ataýy (markasy)
_______________________________________________________________________________________________
_______________________________________________________________________________________________
(teńiz qurylystaryn salý nemese ornalastyrý boıynsha munaı operasııalaryn
júzege asyrý qajettiliginiń sebebi men negizdemesi)
_______________________________________________________________________________________________
(josparlanǵan teńiz qurylysynyń ne osyndaı teńiz qurylysyn salý jónindegi
júrgiziletin jumystardyń sıpaty, merzimi men ornalasatyn jeri)
_______________________________________________________________________________________________
________________________________________________________ (qosa berilip otyrǵan qujattar tizbesi)
Uıymnyń basshysy (laýazymy) ______________ _________________
(qoly) (T.A.Á.)
20__j. «___» ____________
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de obektilerdi qurý, paıdalaný jáne qoldaný qaǵıdasyna 3-qosymsha
Jasandy araldardy, bógetterdi, qurylystar men qondyrǵylardy, sondaı-aq munaı operasııalarymen baılanysty ózge de Obektilerdi qurýǵa, paıdalanýǵa jáne qoldanýǵa ruqsat alýǵa málimet nysany
1. Teńiz qurylysyn salý maqsaty, máni men negizi _____________________________________________________________________________________________________________________________________________________.
2. Kelisimsharttyq aýmaq sheginde qurylatyn teńiz qurylysynyń geografııalyq koordınatalarynyń negizdemesi:
1) endigi _____________________________________________________________________________________;
2) uzaqtyǵy ___________________________________________________________________________________.
3. Teńiz qurylysyn qurý jónindegi jumystardy oryndaý kezinde paıdalanylýy boljanatyn keme jáne ózge de júzý quraldary týraly aqparat:
1) keme jáne ózge de júzý quraldarynyń sany_______________________________________________________;
2) keme jáne ózge de júzý quraldarynyń ataýy ______________________________________________________.
4. Teńiz qurylysyn qurýdy bastaý jáne aıaqtaý kúni ____________________________________________________.
5. Teńiz qurylysyn paıdalaný kezinde qoldanylatyn baılanys quraldary (radıotaratqyshtyń qýaty, jıilikter, ózge de málimetter) týraly aqparat ____________________________________________________________.
6. Teńiz qurylysyn salý nemese ornalastyrý kezindegi josparlanǵan is-sharalar:
1) tehnıkalyq sýmen jabdyqtaýdyń tuıyq júıelerin, júzgish nemese turaqty tazartý qurylystary men quramynda munaı bar sýdy jáne basqa da zııandy zattardy qabyldaýǵa arnalǵan quraldar jasaýdy qosa alǵanda, qorshaǵan ortaǵa yqtımal zalaldyń aldyn alý nemese azaıtý jóninde ____________________________________________________________________________________________________________________________________;
2) teńiz qurylysynda avarııalyq jaǵdaılardy boldyrmaý jáne joıý jóninde ________________________________________________________________________________________________________________________________;
3) teńizde júzýdiń jáne ushaq apparattary ushýynyń qaýipsizdigin qamtamasyz etý jónindegi, sondaı-aq balyqtar jáne basqa da sý janýarlary mekendeıtin ortany, olardyń kóbeıý jaǵdaılaryn, óris aýdarý joldaryn jáne shoǵyrlanǵan jerlerin saqtaý jóninde ________________________________________________________________.
7. Teńiz qurylysyn boljamdy ornalastyrý ornynyń negizgi gıdrologııalyq jáne gıdrogeologııalyq sıpattamalary, kóterilgen sýdy, jiberiletin sarqyndy sýlardy, alynatyn jerasty sýlaryn alýdyń jáne (nemese) paıdalanýdyń boljanatyn kólemi __________________________________________________________________________________________________________________________________________________________________.
Buıryq Qazaqstan Respýblıkasynyń Ádilet mınıstrliginde 2015 jylǵy 30 sáýirde Normatıvtik quqyqtyq kesimderdi memlekettik tirkeýdiń tizilimine №10900 bolyp engizildi.